भानुको सम्झनामा

जन्मीए तनहूँ पवीत्र नगरी नेपाल भूमी महाँ
पँडीत्को कुल भानु आदि कबि नै बन्दै रहेछन् जहाँ ।
जुन् हो छन्द त आज लोक प्रिय भो शार्दूलबीक्रीडित
त्यसैका गुरु भानुभक्त कहिए श्रेयै भयो सञ्जित ।। १

यिन्कै हात महाँ थियो बल बहुत् सीर्जीय रामायण
माला , भक्ति, बधू ,रसै अरु अनेक् प्राचीन पारायण ।
लेख्दै ज्ञान बिचारका तवरले श्री राम गीता पनि
घर् घर्का सबले त गाउन भनी छोडी गएछन् अनि ।। २

प्रश्नोत्तर् गुण गानले भरियको गीता सबैमा बन्यो
जाग्यो ज्ञान र प्रेरणा त उनमा घाँसी कुवा जाँ खन्यो ।
आऊ भानु उदाउ फेरि जगमा जोड्दैछु मै अञ्जली
भाबै देखि चढाई आदि कविमा हज्जार श्रद्दाञ्जली ।। ३

२०६३ आषाढ २९ बिहीवार

पार्ने रे जगतै चिरा अभयले संघीयको नाममा

मेरो देश भनी भन्यौ तर अहो देखिन्न राष्ट्रियता
मेची विव्हलमा छ रोदन गरी काली कता हो कता ?
मेरो ठाउँ यहाँ, कहाँ अरु बसे - भन्दै लछारो यहाँ
व्यर्थैमा झगडा परे दिनदिनै देखी रहेछौं जहाँ ।। १


पार्ने रे जगतै चिरा अभयले संघीयको नाममा
कौनै जात अरे त कौन कुन हो - यस्तै कुनै भानमा ।
नेता खण्डित नै हुँदा जगतमा विश्वास घट्दै गए
यूवाशक्ति विशाल स्वप्नसहितै सारा पराया भए ।। २

शान्ती क्षेत्र भनेर यो चिनियको सारा कुरा बिर्सदै
नेता राज रहे त कल्मषी भए यै मट्मिा कुल्चदै ।
माटो मानिसमा अमुल्य रहँदा बन्दै गए घायल
नेपाली भूमिका सबै नगरिमा देखिन्न है उज्वल ।। ३

कालीमा नदुखे कहाँ प्रिय भयो - यो देश मेरो भनी
साराको दुःख देख्नु पर्छ सहजै मेची र काली बनी ।
कौनै धर्म र जातिका तवरले यो देश चुड्ने भए
छातीमा परि वेदना जगतको भेटिन्न कैल्यै जय ।। ४
- प्रेमप्रसाद पौडेल, धैबुङ-९, रसुवा (-९७४१०१६७३२)

तिहार आउँदा र भाई नहुँदा

Tihar Festival 2066
बालीए झलमल्ल दीप जगतै गरी उज्यालो तर
भाई नै नहुँदा परी विरहमा साह्रै अँध्यारो घर ।
भैलीनीहरु आउँछन् नजिकमा मै रुन्छु छाती पिटी
मैले लौ मन यो बुझाउँ कसरी बुझ्दैन सीतीमिति ।। १


छेवै आँगनिमा फुल्यो मखमली के काम तेस्को अब
भाई छैन भनी नफूल भनथें फूलीरहेछन् सब ।
मीठा सेल, मिठाइ अन्य रसिलो पाकीरहेको छ यो
दूबो, फूल, अबीर, तेल तिलको कामै नहुने भयो ।। २


बज्छन् मादल पीङका वरिपरी नाच्दै रमीता गरि
द्यौसी खेलि रमाइ आशिष दिइ गीत् गाइ नाना थरि ।
जे जे भो सब यो उराठ मनमा के हुन्छ सारा हुँदा
पाँचै रात बिहान यी बितिगए संझेर भाई रुँदा ।।

( शार्दूलवीक्रीडित छन्द )
शुभ दीपावली ०६९ को अवसरमा सवैमा हार्दिक मंगलमय शुभकामना !!!!!

म लेख्दिन भन्छु तर आफैं लेखिँदो रहेछ


आजभोलि म लेख्दिन भन्छु
लेख, रचना र कविता
लेख्दिन भनेर लेखिरहँदा
आफैं लेख वा कविता बनिँदो रहेछ 
म लेख्दिन भन्छु तर आफैं लेखिँदो रहेछ ।।१


खै मलाई थाहा छैन 
किन म लेखिरहेर लेख्दिन भन्छु 
लेख्दिन भनेर लेखिरहँदा 
त्यो आफैंमा लेख वा कविता भएछ
म लेख्दिन भन्छु तर आफैं लेखिँदो रहेछ ।। २

भन्दिन म लेख्दिन भनेर
लेखिएरै छाड्छ भने
लेख्दिन भनेर लेखिरहँदा
अनायासै कविता पो बन्न गएछ
म लेख्दिन भन्छु तर आफैं लेखिँदो रहेछ ।। ३


728x90 - Travel Nepal

ए ! पात्राका पाना अब म तिमीलाई पल्टाउँदिन

एउटा पाना सकिन्छ
अर्को पाना पल्टाउँछु
पल्टाउँदा पल्टाउँदा धेरै पाना पल्टिसके
पात्रामाथि पात्रा खप्टिसके
पात्राका पाना मात्र पल्टेपछि
पात्रामाथि पात्रा खप्टिएपछि
शान्तिका पाना नपल्टेपछि
ए ! पात्राका पाना अब म तिमीलाई पल्टाउँदिन ।। १

परिवर्तन हुने आशामा
प्रत्येक महिना पल्टाउँछु
पल्टाउँदा पल्टाउँदा धेरै महिना पल्टिसके
महिना माथि महिना खप्टिसके
महिनामाथि महिना खप्टिए पनि
वर्षमाथि वर्ष थुप्रिए पनि
तर कुनै परिवर्तन नआएपछि
ए ! पात्राका पाना अब म तिमीलाई पल्टाउँदिन ।। २

पहिले ज्योतिष पात्रो पल्टाउँथे
अहिले पात्रै पात्रो पल्टाउँछौं
कतै भित्तेपात्रो त कतै गोजी पात्रो
जति महिना पल्टेपनि
पात्रै पात्रा खप्टेपनि
शान्तिका पाना नपल्टेपछि
देशमा शान्ति नआए पछि
ए ! पात्राका पाना अब म तिमीलाई पल्टाउँदिन ।। ३











राखौं यही चेतना

शार्दूलवीक्रीडित छन्द

पृथ्वीमा बढि गो प्रभाव हरितै ग्यासै त उत्सर्जन
हल्ला भो जगतै हुनेछ त्रसितै वस्ती नि वीसर्जन ।
नाङ्गै भो पहरा विनास वनको कम्तै छ अक्सीजन
रोपौं रूख जयै हुनेछ सबको राखौं यही चेतना ।। १

छैनन् रूख भने रहन्न जगतै बाँच्दैन भन्ने पिर
फैलेका कण धेर, दूषित हुँदै फर्किन्छ मान्छे तिर ।
मान्छेले लिनु पर्छ चीज जुन हो भन्ने त अक्सीजन
रोपौं रूख दिनेछ आज सहजै राखौं यही चेतना ।। २

गर्दै धेर प्रयोग् नवीन प्रविधी धुँवा नहूने चुलो
दाउराको वदला प्रयोग गरनू ग्यासै त गोवरको ।
खेतीपाति पनी विशुद्ध गरनू जैवीक भन्ने कन
रोपौं रूख वचाउँ मूल जलको राखौं यही चेतना ।। ३

वन्जंगल् गरियो विनास् यदिभने नासिन्छ ज्यान् प्राणिको
लागौं आज सबै मिलेर यसमा हित्का कुरा जानि यो ।
ढाले रूख लगाय अग्नि वनमा कार्वन् नि उत्सर्जन
रोपौं रूख बचाउँ वायु जगमा राखौं यही चेतना ।। ४

जल्वायु पनी यैं फरक् फरक भो पानी नपर्ने कुरो
खण्डै बृष्टि कतै त बृष्टि अति भो कुरो यही हो चुरो ।
भारै भो यसको अती गहकिलो निर्दोष रैतीकन
रोपौं रूख जयै हुनेछ सबको राखौं यही चेतना ।। ५


वातावरण दिवस २०६७

Followers

साताको चर्चित

Rasuwa Profile

महिनाको चर्चित

Total Visitor

Recent Posts

Prem Prasad Paudel, Rasuwa. Powered by Blogger.
Blogger Template by Basnetg.com