Home » » ए ! पात्राका पाना अब म तिमीलाई पल्टाउँदिन

ए ! पात्राका पाना अब म तिमीलाई पल्टाउँदिन

एउटा पाना सकिन्छ
अर्को पाना पल्टाउँछु
पल्टाउँदा पल्टाउँदा धेरै पाना पल्टिसके
पात्रामाथि पात्रा खप्टिसके
पात्राका पाना मात्र पल्टेपछि
पात्रामाथि पात्रा खप्टिएपछि
शान्तिका पाना नपल्टेपछि
ए ! पात्राका पाना अब म तिमीलाई पल्टाउँदिन ।। १

परिवर्तन हुने आशामा
प्रत्येक महिना पल्टाउँछु
पल्टाउँदा पल्टाउँदा धेरै महिना पल्टिसके
महिना माथि महिना खप्टिसके
महिनामाथि महिना खप्टिए पनि
वर्षमाथि वर्ष थुप्रिए पनि
तर कुनै परिवर्तन नआएपछि
ए ! पात्राका पाना अब म तिमीलाई पल्टाउँदिन ।। २

पहिले ज्योतिष पात्रो पल्टाउँथे
अहिले पात्रै पात्रो पल्टाउँछौं
कतै भित्तेपात्रो त कतै गोजी पात्रो
जति महिना पल्टेपनि
पात्रै पात्रा खप्टेपनि
शान्तिका पाना नपल्टेपछि
देशमा शान्ति नआए पछि
ए ! पात्राका पाना अब म तिमीलाई पल्टाउँदिन ।। ३











0 सुझाव लेख्नुहोस्:

Post a Comment

Followers

साताको चर्चित

Rasuwa Profile

महिनाको चर्चित

Total Visitor

Recent Posts

Prem Prasad Paudel, Rasuwa. Powered by Blogger.
Blogger Template by Basnetg.com